බුදුන් සරණ
සතහට වේවා - සඳහම් රස සෙත සැලසේවා
සඟුන් බෙලෙන් මෙත වැජඹේවා- තිසරණ ගුණ තිලොවට වේවා...//
සඟුන් බෙලෙන් මෙත වැජඹේවා- තිසරණ ගුණ තිලොවට වේවා...//
පොසොන් මහේ සඳ
එළිය ගලාවිත්
මිහිමව් අඳුරෙන්
එකලු කළා
මිහින්තලා කඳු
මුදුන දෙසින් ආ
සාධු හඬින්
ලක්මව තෙමුණා...//
පොසොන් පෝ දා -
අනුබුදු හිමි වැඩි පුන් පෝ දා//
ලක් වැසියන් හට
මෙත් කරුණාවෙන්
බුදුන් දෙසූ සඳහම්
ගඟුලේ
දම් බිඳකින්
සිරිලක නිවුණා
චුලහත් පදුපම
සුත දම් දෙසුමට
දෙටුතිස් රජ
තිසරණ පැතුවා...//
පොසොන් පෝ දා -
අනුබුදු හිමි වැඩි පුන් පෝ දා...//
අකුසල්
දුමියොත් වසා පැතිර ගිය
අ‍ටලෝ තිලකුන්
ඵලදම් වැස්සට
තුන් ලෝ තෙද බල
සසල වුණා
මිනිසා තිරිසන්
බවින් මිදී අඳ
නිවන් මඟට
දෙනුවන් ලැබුවා...//
පොසොන් පෝ දා -
අනුබුදු හිමි වැඩි පුන් පෝ දා//
පොසොන් මහේ සඳ
එළිය ගලාවිත්..........
බුදුන් සරණ
සතහට වේවා - සඳහම් රස සෙත සැලසේවා
සඟුන් බෙලෙන්
මෙත වැජඹේවා- තිසරණ ගුණ තිලොවට වේවා....//
පද රචනය - චතූ
පෙරේරා
0 comments:
Post a Comment